सॉरी यार बळीराजा ! बळीराजा रिटर्न्स.. ~ ज्ञानेश वाकुडकर
- 12/11/2021 Friday 6:31 am
Business
सॉरी यार बळीराजा
मनापासून सॉरी
तुझी गोष्ट आठवली की
टेन्शन येते भारी !
कोण, कुठला 'बटू वामन'
भिक मागत आला
तुही आपलं वेड्यासारखं
दान दिलंस त्याला !
तुही आमचाच बाप आहेस
काय बोलायचं म्हणा !
पण.. त्यानं तरी का करावा
एवढा हलकटपणा !
अशी कोणती नीती यार
असं कसं चालायचं ?
ज्यानं 'दान' दिलं त्यालाच..
मातीमधे घालायचं ?
नवा काळ आला आता
नवी पिढी आली
तुझी गोष्ट सांगणं म्हणजे
आमची गोची झाली !
माझा नातू, छोटा 'बळी'
तुझ्या सारखाच भला
परवा तुझी गोष्ट ऐकून
झापत म्हणाला मला..
'हे जे कथेत घडत आलं
टळायला हवं आबा !
'बटू वामन' 'फ्रॉड' होता
कळायला हवं आबा !
मी असतो तर वचनं वगैरे..
बाजूला सारली असती
'बटू वामना'ला सरळ मागून
लाथ मारली असती !'
~~~
ज्ञानेश वाकुडकर
नागपूर तेवीस/दहा/चौदा