ऐतिहासिक माणगाव परिषदेच्या निमित्ताने - युवराज संभाजी राजे छत्रपती

महापुरुषांना जाती - प्रांताच्या बंधनात अडकवून चालणार नाही, असं मला वाटतं. मी त्या शिवाजी महाराजांचा वंशज आहे, ज्यांनी अठरा पगड जातींना सोबत घेऊन स्वराज्य निर्माण केले. मी त्या राजर्षी शाहू महाराजांचा वंशज आहे, ज्यांनी बहुजन समाजाला न्याय दिला. सर्व जाती-पातींना सोबत घेऊन जाण्याची शिकवण शिव- शाहूंनी दिली आहे. कुणी कोणत्या जातीत जन्माला आला म्हणून श्रेष्ठ किंवा कनिष्ठ ठरत नसतो. तो आपल्या कर्तृत्वाने मोठा किंवा लहान ठरत असतो.